SI PENDEKAR „DJIKALO”
117
kedjadian heibat
„Tetapi, ini ada boeat pengabisan kali, ja?”
„Baek! Hajoo, lekas bagi-bagiken paynja!” djawab toean-roemah.
Begitoelah potongan-potongan tjapliong lantas dibagi dan soenggoeh keadaan ini meroepaken soeatoe soeasana jang genting. Semoea pemegang pay berdebar-debar hati boeat menghadepin segala kamoengkinan jang marika taoe pasti aken tibah dalem roepa „perang besar”............
Dan helaas! Begitoe pay diboeka, kombali Bo-tjay ............ kalah!
Berbareng ia banting itoe semoea pay jang berada ditangannja, serentak dengen berbareng semoea kambratnja lantas mengepoeng dan menjerang sang lawan, siapa dengen sebet, lontjat kaloear dari ke- poengan sekalian gondol semoea pay jang berada di- hadepannja.
Dengen begitoe gapah ia lontjat lagi ka atas medja di laen samping. tempelken gegernja di atas tembok, pasang koeda-koeda begitoe roepa, bersedia boeat tandingan serangan-serangan moesoehnja.
Pertempoeran seroeh laloe terbit dengen tida bisa tertjegah lagi. Serangan-serangan jang dilakoeken dengen begitoe gentjer dari kanan-kiri oleh kambrat- kambratnja Bo-tjay. ternjata dengen moedah dapet disingkirken dan dikelitin begitoe sadja oleh itoe tetamoe jang loear biasa, bahkan sebaliknja itoe bebrapa belas orangnja Bo-tjay sasoedah tida berhasil roebachken moesoehnja, adalah marika sendiri sekarang mendapet serangan-serangannja itoe lawanan jang menggoenaken....... kajoe-kajoe tjapliong, sambit-sambitken itoe dengen begitoe keras dan tiap-tiap sambitan tida ada satoe jang terboeang pertjoema, hingga marika jang djadi kesakitan terkena „bom-
