116
TJILIK-ROMAN'S
salah-saorang ponokawannja, adjak ini hartawan ka tempat jang rada sepih, dimana dengen bisik-bisik marika saling beroending. Kamoedian Bo-tjay kombali lagi ditempatnja dan berkata pada sang tetamoe: „Sabetoelnja kaoe poenja perkataan-perkataan ada begitoe koerang adjar, hingga kiranja tida mendjadi akoe poenja kasalahan kaloe boeat itoe, dirimoe digeboek sampe remoek. Tetapi sebab menginget, bahoea selakoe toean roemah akoe tida samoestinja menghinaken tetamoenja, kendati fihakkoe sendiri mendapet hinaan begitoe besar, maka akoe soeka terima tantanganmoe, tetapi lebih doeloe akoe ingin dapet katerangan, dari kaoe sendiri apa pertarohannja kaloe ternjata nanti kaoe berbalik mendjadi petjoendang? Dan kaoe hargain berapa boeat dirinja Siok-nio?”
„Wah, soenggoeh bedjat moraalnja ini djahanam!” kata itoe tetamoe dalem hatinja. Tetapi boeat bisa lantas beresken ini pertarohan loear biasa, maka ia sigra mendjawab: ,,Kaloe nanti ternjata akoe jang kalah, boekan sadja semoea kaoe poenja kakalahan akoe kombaliken dan seanteronja oeangkoe boleh kaoe ambil, djoega...... kepalakoe sekalian poen kaoe boleh potes dari leherkoe. Kiranja ini ada pertarohankoe jang tjoekoep boeat mengimbangin kaoe poenja pemasangan, boekan? Nah, bagimana, moefakat?!......”
Sabelon Bo-tjay mendjawab, didoeloein oleh orangnja jang tadi bisik-bisik bersama ianja: „Moefakat. akoerrr!”
Dengen kapaksa, achirnja Bo-tjay poen toeroet njataken moefakat, diboentoetin poela oleh treakan. laen-laennja jang djoega setoedjoein ini pertarohan aneh!
Meliat keadaan jang begitoe panas, moengkin ini perdjoedian achirnja aken berobah dengen kedjadian-
