PENDEKAR „DJIKALO”
115
modal soedah loedes semoea, masoek dalem sakoemoe.”
„Ach, itoe gampang sekali. Tida ada pertarohan oeang, boleh diganti kita bertarohan laen matjem benda!”
„Tida ada lagi......... Soedahlah, akoe lebih soeka boeat laen kali sadja kita ketemoe lagi!”
„Masa tida ada, sedeng akoe taoe kaoe masih mempoenjai banjak barang berharga, dan kaloe ini poen tida bisa kaoe pertarohken, boleh djoega laen matjemnja lagi........”
„Héh, apa jang kaoe maoeken, sianseng?” menanja Bo-tjay dengen dalem hatinja timboel perasaan apa-apa jang menggandjel.
„Hm......... boleh djoega kaoe pertarohken kaoepoenja bakal......... go-ngé, nona Siok-nio!........
„Koerang adjar! Apa matjem perkataanmoe itoe? Djangan kaoe begitoe kliwat tida taoe atoeran, sianseng. Inget, kaoe berhadepan dengen siapa? Dengerkenlah, kaoe sekarang sedeng berhadepan dengen Bo-tjay, matjan jang ditakoetin oleh semoea orang Tionghoa disini, mengerti?” djawab Bo-tjay dengen hati bergolak bahna api penasaran membakar seloeroeh djerohannja.
Rasa kamoerkahannja memboeboeng begitoe tinggi, sahingga saat itoe djoega sakoedjoer badannja Bo-tjay djadi bergoemeter dan soeasana djadi begitoe genting, saben detik bisa terbit kedjadian-kedjadian heibat atas dirinja itoe tetamoe, sebab semoea kambratnja lekas mendapet ordernja sang taoke.
„Siapa bilang akoe katerlaloean? Toch djamak sadja boeat orang pertarohken apa sadja jang mendjadi kapoenjaannja boeat mengedjer kakalahan?!” kata poela si tetamoe dengen tetep. kalm seperti ber- moelahnja.
Sesaat kamoedian, Bo-tjay mendapet koetikan dari
