112
TJILIK-ROMAN'S
Liwat satoe boelan kamoedian dalem soerat-soerat. kabar di Djawa Barat dan Djawa Timoer dipasang advertentie:
Bebrapa boelan lagi, advertentie itoe ditoekar dengen pemberi-tahoean menikahnja kadoea orang moeda itoe.
Dalem honeymoon (perdjalanan sahabis menikah), Ang Hwa minta pada soeaminja boeat mengoendjoengin koeboeran-koeboeran Hing Nio, njonja Gwan, sinshe A Lioeng dan Baboe Mina, ]
Koeboeran Hing dan njonja Gwan diperbaekin begitoe roepa, hingga oleh orang jang tida mengetahoei riwajatnja, marika dianggep waktoe masih idoepnja ada orang-orang hartawan, sedeng koeboerannja Mina poen seperti koeboerannja orang kaja.
Ang Hwa mengoetjoerken banjak aer mata di depan koeboeran Mina, baboe jang setianja djarang didapet kadoeanja.
Djoega Ang Hwa tida meloepaken familie Lie Pek Siong di Bogor jang doeloe pernah ia toempangin.
Piet tertjengang meliat Ang Hwa jang berpakean reboh dan begitoe ajoe, hingga setjara anak jang aleman berkata pada iboenja: ,,Owe tida maoe kawin, kaloe tida dapet istri kaja ade Ang Hwa......!”
Njonja Pek Siong. diam-diam petel aer matanja, kerna ia inget, kaloe njonja Rame tida bikin rame-tame, Piet poenja kainginan bisa kasampean, tapi
