SI NONA MERAH .....
111
Ang Hwa mengaloearken aer matanja. Ia sedih berdjoempah sama ajahnja dalem keadaan jang sademikian boeroeknja. Iboe ia kenal dari potret sadja, tapi bapa dikenal sebagi saorang badjingan tengik.
Ia menangis. . . . . . . menangis sedih, tjotjok sama apa jang sinshe A Lioeng bilang: „Anal ini nanti wanjak nangis. . . . . . . !”
Kong Liang membiarken Ang Hwa lampiasken kasedihannja.
Kamoedian ia oeroes perkara ini sama politie dan perkoempoelan kematian di Tjiandjoer.
Politie satelah bikin proces verbaal dan mendenger saksi-saksi Tinah dan Ang Hwa serta katerangannja dokter, berpendapetan, bahoea Ban Pwee bersalah masoek di roemah orang dengen hendak mengatjau. Saksi-saksi laen boeat membela Ban Pwee tida ada,hingga ini perkara djadi abis sampe di sitoe.
*
XV. Sasoedah hoedjan . . . . . . . matahari bersinar.
Satelah oepatjara pengoeboerannja Ban Pwee selesei, laloe Ang Hwa dengen dianter oleh Kong Liang. dan iboenja berangkat ka Soerabaia boeat mentjari njonja Baron Han.
Kedatengannja tjoetjoe jang soedah besar itoe disamboet dengen bandjir aer mata dari kadoea fihak, tapi jang mentjoetji segala kasengsaraan hati.
Ban Lok poen merasa girang sekali katemoe keponakannja, sedeng Elly berlakoe manis boedi pada Ang Hwa dan Ang Hwa itoe merasa seperti Lien Nio idoep kombali.