Halaman:Si Nona Merah.pdf/112

110

TJILIK-ROMAN'S

Bebrapa djam kamoedian dokter baroe dateng jang beriken injectie dan kasi taoe pada Kong Liang boeat lekas angkoet Ban Pwee karoemah sakit Tjiandjoer, sebab gigitan di lehernja ada berbahaja.

Dengen autonja itoe dokter, Ban Pwee laloe dibawa ka Tjiandjoer.

Maskipoen pertoeloengan diberiken satjepet bisa, tapi lantaran terlaloe banjak mengaloearken darah, Ban Pwee makin zwak dan pada itoe malem djoega ia merasa adjalnja aken sampe.

la minta Kong Liang dan Ang Hwa jang toenggoein Ban Pwee boeat lebih mendeketin dan laloe memesen: „Akoe ada satoe ajah jang doerhaka, Hwa Kaloe akoe menjinta kaoe, pasti kaoe tida aken alamken kasengsaraan, sebab ema kaoce di Soerabaia mengharep siang-malem pada tjoetjoenja. Tapi akoe hendak memeres sana-sini, sahingga achirnja dapet pembalesan heibat! Siapa njana akoe moesti mati digigit andjing !”

„Entjek, owe nanti sebrapa bisa pelihara entjek,” menghiboer Kong Liang. „dan preksa si Bruno pada dokter heiwan, apakah ia sakoenjoeng-koenjoeng terserang penjakit gila.”

„Tida. . . . . . . tida. . . . . . . kaoe haroes bertrima kasih pada Bruno, kerna dia jang menoeloeng Ang Hwa dari satoe akal kedji dari akoe, Akoe maoe djoeal Ang Hwa dengen harga tinggi, maka akoe maoe bawa lari dia, tapi Toehan Allah kahendakin laen, Sekarang akoe menjesel. . . . . . . telah sia-siaken Hing Nio . . . . . . . ah. . . . . . .akoe berdosa besar padanja. . . . . . . Kaoe. . . . . . .kaoe,. . . . . . .idoep broentoeng berdoea, Trimalah berkatnja satoe ajah jang terkoetoek. . . . . . . !”

Sahabis mengoetjap begitoe, napasnja tersengal-sengal dan sasoedah mendjerit satoe kali lagi. . . . . . .