100
TJILIK-ROMAN'S
Tapi lambat-laoen djoeroe-pemisah itoe mengarti doedoeknja perkara dan laloe ia mengenalken dirinja: „Owe, pokrol Ban Pwee jang soeka oeroes perkara. Jang bengkok dibikin lempeng, jang salah dibikin betoel. Sianseng A Sim salah memoekoel orang prempoean!”
„Saja. . . . . . . titak wani poekoet-poekoet plampoean,”
A Sim membela dirinja, „tapi tjowa siansing pokot liat sendili topi owe jang wagoes jadi loesak, Apa owe titak woleh malah balangnja sendili diloesak?”
„Ja, tapi dia jang moelai lempar kasoetnja pada saroeng saja!” berkata njonja Roesoeh.
„Soedah paling betoel begini sadja. Kasi entjik A Sim preksa soepaja ilang penasarannja,” Ban Pwee memberi nasehat.
Saorang prempoean dan saorang Tionghoa totok jang koerang pengartian denger perkataan „pokrol” soedah anggep orang itoe ada termasoek orang besar, maka nasehatnja ditoeroet dengen tida dipikir lebih djaoeh oleh njonja Roesoeh.
Satelah keadaan roemah dipreksa dan betoel djoega Ang Hwa tida ada, maka baroelah hatinja entjik A Sim lega sedikit.
Ban Pwee bersenjoem: „Nah, kaloe diliat doedoeknja perkara doea-doea bener, doea-doea salah. Benernja lantaran entjik A Sim mengira engso semboenjiken Ang Hwa, salahnja A Sim kaboeroe nafsoe bikin rame-rame di sini. Paling betoel kita sekarang haroes tjari di mana mengoempetnja itoe anak? Dan owe sebagi pokrol ada poenja banjak kaki-tangan jang dalem tempo sabentaran bisa menjeloesoep ka mana-mana tapi...... ja, tapi ada ongkosnja!”
„Blapa. . . . . . .blapa. . . . . . . toean pokot?” menanja entjik A Sim dengen bernafsoe.
„Ongkos pertama ƒ 25.— nanti kaloe soedah dapet
