8
TJILIK-ROMAN'S
rem di randjang dan dieloes-eloes oleh baboe Mina.
Njonja Inten bingoeng.
„Ajo, kaloe dia soedah mendoesin, loe tanja sama siapa dia djoeal dirinja? Goea nanti kedjer lelaki bangsat itoe dan kirim dia poelang ke Giam Koen dengen melindjo-timah di kepalanja."
Njonja Inten sasoedah ilang rasa kagetnja, djadi sengit pada anaknja sendiri dengen tida maoe pikir siapa jang sabetoelnja bersalah.
„Hing Nio djoega moesti mati......!" sang iboe mendjatohken vonnis pada gadis jang bertjilaka itoe.
„Itoe djoega akoe soedah pikir!" menjaoet Baron Han jang agaknja tida segan boeat djalanken rol algodjo.
Njonja Inten berkata poela: „Kaloe dipikir-pikir ini ada salahmoe djoega. Loe djadi bapa orang tida bisa djaga anak!"
Binatang alas, loe brani kata-katain goea jang salah? Bagoes betoel! Loe jang saben hari borosken doeit di medja djoedi haroes tanggoeng djawab. Goea taoe loe sampe satoe waktoe nginep di roemah orang meloeloe lantaran panas dan maoe boeroe loe poenja kekalahan. Prempoean jang tida taoe maloe!"
Sehabis berkata begitoe, kemotjeng patah jang tadi dipake boeat melabrak labrak Hing Nio sekarang djalanken kewadjibannja di toeboehnja Njonja Inten, sehingga sabentaran sadja dalem itoe gedong seperti mendadak ada lindoe keras, kerna Njonja Inten mendjerit-djerit setinggi langit dan memaki kalang kaboet pada soeaminja. Semoca boeroeh dalem itoe gedong, dari koki di dapoer sampe toekang kebon mendatengin boeat beriken pertoeloengan, kaloe bener ada bahaja.
Njonja Han tida mave tinggal diam. Ia sembat satoe vaas percelein dan timpoekin itoe kearah kepalanja Baron Han, hingga Baron Han jang tida beboeroe egosin badannja djadi dapet loeka di kepala.
