ARTIANNJA GITANJALI.
bisa mengarti baek kabesarannja Toehan, hingga penjamboetan dari datengnja itoe ilham atawa andjoeran resia jang dikirim oleh Toehan ada djaoe dari menjoekoepi, kerna tjoemah memake ,,kadoea tangan jang ketjil sekalih," tapi toch itoe pengiriman tinggal berdjalan teroes dari satoe ka laen djeman, dan biarpoen orang soedah beladjar bagimana banjak, loeas dan dalem, masih sadja ada apa-apa jang koerang, jang ia belon mengarti, jang haroes dipreksa dan difahamken lebih djaoe. (Ajat 4).
II.
1. Kapan kaoe memberi titah padakoe aken menjanji, rasanja hatikoe seperti hendak meletoes dari saking bangga; dan akoe memandang pada parasmoe, dan tangisan laloe dateng di akoe poenja kadoea mata.
2. Segala apa jang kasar dan soembang dalem kahidoepankoe lantes loemèr mendjadi saroepa katjotjokan jang merdoe - dan akoe poenja pamoedja'an membentangken sajap seperti saekor boeroeng jang bergirang lagi terbang melintasi samoedra.
3. Akoe taoe kaoe mendapet kagirangan di dalem akoe poenja njanjian. Akoe taoe jang tjoemah sabagi satoe toekang menjanji akoe bisa dateng mengadep di hadepanmoe.
4. Dengen goenaken sajap dari njanjiankoe jang terpentang lebar akoe bisa senggol kaoe poenja kaki, jang dalem ka'ada'an biasa akoe tida kandoeng harepan nanti bisa sampeken.
5. Merasa mabok dengen kagirangan menjanji, akoe djadi loepa pada diri sendiri dan brani memanggil kaoe sobat jang djadi akoe poenja
toean.
49
