RABINDRA NATH TAGORE.
oedjar-oedjar di dalem Thay Hak:- Kouw Djit Sin, Djit Djit Sin, Yoe Djit Sin. (Djikaloe kaoe satoe hari bisa membaroein dirimoe, lakoekenlah itoe pembaroean dari satoe ka laen hari. Ja, biarlah satiap hari ada pembaroean). (Ajat 2).
Kapan satoe kalih manoesia soedah kamasoekan ilham Toehan, jaitoe alamken, maski bagimana sedikit, itoe kaberkahan, katentreman dan kagirangan boeat itoe perhoeboengan jang ia telah dapet dengen itoe Kakwasa'an jang Paling Tinggi, di itoe sa'at baroelah ia insjaf bagimana sempit dan tjoepet adanja itoe kasenangan dan kaberoentoengan jang manoesia biasa alamken di doenia dan jang sabentaran sadja lantes moesna kombali. Salandjoetnja, ia lompat kaloear dari itoe kalangan sempit aken masoek ka dalem itoe daerah dari kaberkahan tida berwates jang membikin ia seperti kalelep di dalem kagirangan, hingga ia tida bisa dapet perkata'an aken toetoerken bagimana adanja itoe kasedepan satoe per satoe. Inilah djoestroe ada apa jang orang biasa loekisken tentang Nirwana. Dalem boekoe Katerangan Ringkes tentang Agama Buddha karangannja Bhikkhu Narada, di pagina 44 ada dibilang :
,,Nirwana dari kaoem Buddhist boekan berarti samatjem kakosongan atawa poen kamoesna'an, tetapi bagimana sifatnja jang betoel tida ada perkata'an jang bisa loekisken. Nirwana ada satoe Dharma (Kabeneran) jang,,tida terlahir, tida mempoenjai atsal-oetsoel, tida tertjipta dan tida ada roepanja." Lantaran demikian maka sifatnja kekel (Dhuva), di-inginken (Subha) dan beroentoeng (Sukha)." (Ajat 3).
Maskipoen pengartian manoesia ada serba
tjoepet dan masih djaoe dari sampoerna boeat
48
