VI.
ARTIANNJA GITANJALI.
Sekarang kita moelai koetip isinja Gitanjali, jang sabenernja ada terlaloe aloes boeat bisa ditoeroenken ka dalem bahasa Melajoe dengen tjotjok betoel, maka dalem bebrapa hal kita menjalin satjara merdika, dengen ditambah sama doea matjem katerangan pertama, boeat petjahken maksoednja perkata'an-perkata'an jang terboengkoes, dan kadoea boeat bitjaraken sasoeatoe fatsal poenja arti atawa toedjoean.
I.
1. Kaoe soedah bikin akoe ini selama-lamanja tida bisa moesna, demikianlah ada kaoe poenja kasenangan. Ini gendi jang aloes dan lemah kaoe bebrapa kalih kosongin, dan isiken ia dengen kahidoepan jang seger.
2. Ini soeling bamboe kaoe soedah bawa melintasi boekit-boekit dan lembah-lembah, dan soedah menioep ka dalemnja lagoe-lagoe jang selama-lamanja tinggal baroe.
3. Itoe senggolan jang kekel dari tanganmoe membikin kagirangan hatikoe djadi linjap perwatesannja dan menjebabken terlahirnja oe tjapan jang tida bisa dioetaraken.
4. Pemberianmoe jang kekel telah sampe padakoe tjoemah atas perantara'an dari ini kadoea tangankoe jang ketjil sekalih. Bebrapa djeman telah melintas, dan kaoe masih membandjoer teroes, dan disitoe masih ada sedia tempat jang aken di-isi.
⁂
1. „Selama-lamanja tida bisa moesna.“= Manoesia poenja Roh atawa Diri Sedjati (Atman)
46
