Halaman:ROEM.pdf/6

mengapa lagi akoe dihoekoem saperti orang jang berdosa?
8. Boekan baik, (saperti kita dikata-katai orang, dan saperti bebrapa orang mengataken kita berkata): Biarlah kita berboewat djahat, sopaja mendatengken baik? tjilaka itoe orang nanti betoel adanja.
9. Bagimanatah sakarang? apa kita lebih baik dari itoe orang? Tidak, sakali-kali tidak; karna kita soedah bersaksiken doeloe, baik sama orang Jahoedi, baik sama orang Grika, {Gal 3:22} jang samowanja ada dibawah koeasa dosa djoega.
10. Saperti jang tersoerat: (Maz 14:3; 53:4) Trada satoe orang jang bener, sampe satoe trada.
11. Trada satoe orang jang mengarti, trada satoe jang tjari sama Toehan Allah.
12. Dia-orang samowa soedah kesasar, bersama-sama dia-orang trada goenanja; trada satoe orang jang berboewat baik, sampe satoe trada.
13. Maka (Maz 5:10) krongkongannja itoe satoe koeboer jang terboeka adanja; dengan lidahnja dia-orang pake tipoe; (Maz 140:4) bisa oeler ada dibawah bibirnja.
14. (Maz 10:7) Moeloetnja penoeh dengan laknat dan pahit.
15. (Ams 1:16; Yes 59:7}} Dan kakinja pantes maoe menoempahken darah.
16. Dan didjalannja ada karoesakan dan tjilaka adanja;
17. Dia-orang tra-taoe sama djalan slamat;
18. (Maz 36:2) {{sp|Dalem hatinja dia-orang trada takoet sama Toehan Allah.}
19. Maka kita taoe barang apa jang dikataken toret, maka dia kataken itoe sama orang jang dibawah prentah toret; sopaja tertoetoep masing-masing poenja moeloet, dan sopaja dihadepan Toehan Allah segala manoesia patoet kena laknat.
20. Maka sebab itoe dengan perboewatan toret trada satoe orang nanti dibenerken dihadepan Toehan {Gal 2:16; Rom 7:7; Ibr 7:18} karna pengataoewan dosa dateng dari toret.
21. Tetapi sakarang ini {Rom 1:17; Fil 3:9} kabeneran Allah soedah dinjataken dengan trada toret, dan ija-itoe disaksiken djoega olih toret dan segala nabi-nabi:
22. Ija-itoe jang kabeneran Allah dateng dari sebab pertjaja sama Jesoes Kristoes, ija-itoe sama segala orang, dan atas segala orang jang pertjaja: karna trada bedanja.
23. Karna samowa dia-orang soedah berboewat dosa, dan kahilangan kamoeliaan Allah.
24. {Yes 53:5} Maka itoe orang samowa dibenerken samata-mata dari kasihannja, olih teboesan jang ada dalem Kristoes Jesoes:
25. {2Ko 5:19; Kol 1:20; Ibr 4:16; 1Yo 4:10} Jang soedah ditantoeken Allah akan mendjadi {Kel 25:17} korban, dengan berkat pertjaja sama darahnja, sopaja dia njataken kabenerannja dengan mengam-