Halaman:ROEM.pdf/17

4. {Rom 2:17; 3:2; Ula 7:6} Ija-itoe segala orang Israil, jang poenja koeasa di-angkat anak dan kamoeliaan, {Efe 2:12} dan segala perdjandjian, dan pembrian toret, dan kabaktian sama Allah, dan segala perdjandjian;
5. Dan jang ampoenja nenek-mojang, maka dari dia-orang datengnja Kristoes tjara manoesia, {Rom 1:4; Yer 23:6; Yoh 1:1; Kis 20:28; Ibr 1:8-10} ija-itoe Allah jang di-atas segala perkara, dan jang patoet dipoedji-poedji sampe salama-lamanja, Amin.
6. Tetapi boekan saperti kaloe perkataan Allah itoe {Rom 3:3; Bil 23:19; 2Ti 2:13} ditiadaken: {Rom 2:28; Yoh 8:39} karna boekan samowanja orang Israil adanja, jang toeroen dari Israil.
7. {Gal 4:28} Dan boekan sebab dia-orang katoeroenan Ibrahim, dari itoe dia-orang samowa anak-anaknja djoega; (Kej 21:12; Gal 3:29; Ibr 11:18) melainken: Dalem Isaak katoeroenanmoe nanti didjadiken.
8. Artinja: boekan segala anak-anak jang dari daging-darah itoe anak-anak Allah adanja; {Gal 4:28} melainken segala anak-anak perdjandjian itoe jang dibilangken bagi katoeroenannja.
9. Karna itoe perkataan perdjandjian bagini boeninja: {Kej 18:10} Bahoewa pada masa bagini Sarah nanti ada sa-orang anaknja laki-laki.
10. Dan boekan ini sadja, {Kej 25:21} melainken Rebekka djoega tatkala soedah boenting dari sa-orang, ija-itoe Isaak, mojang kita.
11. Karna kapan belom lagi itoe anak-anak diperanakken, atawa sabelomnja dia memboewat barang baik atawa djahat, sopaja bolih tetep kahendak Allah itoe menoeroet pilihnja sendiri, dan boekan dari pakerdjaan, melainken dari Dia jang memanggil orang.
12. Dikataken Allah sama itoe perampoewan: (Kej 25:23) Anak jang toewa itoe nanti menoeroet prentahnja anak jang moeda.
13. Saperti jang tersoerat: (Mal 1:2) Akoe tjinta sama Jakoeb, tetapi Akoe bentji sama Esaf.
14. Dari itoe kita maoe kata apa? {Ula 32:4; 2Ta 19:7; Ayu 34:10} Apa Toehan Allah koerang adil? Didjaoeken Allah.
15. Karna Toehan soedah befirman sama nabi Moesa: (Kel 33:19) Bahoewa Akoe nanti kasihanken sama orang, jang Akoe maoe kasihanken, dan toendjoek kamoerahankoe sama orang, jang akoe maoe toendjoek dia.
16. Sebab itoe, boekan ija-itoe dari orang jang maoe, atawa boekan dari orang jang berdjalan, melainken dari Allah jang kasihanken sama orang.
17. Karna dalem al-Kitab ada perkataan Allah sama radja Pirangon, firmannja: (Kel 9:16) Sebab ini djoega Akoe soedah mendjadiken dikau, ija-itoe sopaja Akoe menjataken koewasakoe dalem angkau, dan sopaja Na-