patah nanti melepasken akoe dari badan kamatian ini?
25. Akoe mengoetjap soekoer sama Allah, dengan berkat Jesoes Kristoes, Toehan kita. (26) Dari itoe, dengan hatikoe akoe menoeroet hoekoem Allah, tetapi dengan napsoe jang djahat itoe akoe menoeroet hoekoem dosa.
FATSAL VIII.
1. Maka sebab itoe sakarang trada lagi pahoekoeman bagi orang jang dalem Kristoes Jesoes, jang tiada menoeroet hawa-napsoe djahat, melainken jang menoeroet Roh.
2. {Rom 6:18,22; Yoh 8:36; Gal 5:1} Karna hoekoem Roh kahidoepan, jang ada dalem Kristoes Jesoes, itoe soedah melepasken akoe dari hoekoem dosa dan kamatian.
3. {Rom 3:28; Kis 13:39; Gal 2:16; Ibr 7:18} Karna barang perkara jang tiada dapet diperboewat olih toret, sebab dia soedah lembek dari karna kahendak napsoe djahat itoe, maka dari itoe Allah soedah menjoeroehken Anaknja sendiri dengan roepa badan manoesia jang berdosa, maka sebab dosa itoe {2Ko 5:21; Gal 3:13} Dia hoekoemken itoe dosa dalem badan manoesia.
4. Sopaja kabeneran toret bolih digenepken dalem kita, jang tiada menoeroet maoenja napsoe djahat, melainken menoeroet maoenja Roh.
5. {1Ko 2:14} Karna orang jang menoeroet maoenja napsoe djahat, dia memikirken perkara napsoe djahat; tetapi orang jang menoeroet maoenja Roh, maka dia memikirken perkara Roh.
6. Karna memikirken perkara napsoe djahat, ija-itoe kamatian adanja; tetapi memikirken perkara Roh, ija-itoe kahidoepan dan salamat adanja;
7. Karna kapikiran napsoe djahat, ija-itoe bersatroe sama Allah, karna ija-itoe tiada talok sama hoekoem Allah, dan tra-bolih djoega.
8. Maka segala orang jang ada dalem napsoe djahat itoe tiada bolih disoekai Allah.
9. Tetapi kamoe ini boekan dalem napsoe jang djahat, melainken dalem Roh, kaloe kiranja Roh Allah {1Ko 3:16} ada dalem kamoe. Maka barang-siapa jang tra-poenja Roh Kristoes, boekan dia Kristoes poenja.
10. Dan kaloe kiranja Kristoes ada dalem kamoe, maka badanmoe mati djoega sebab dosa, tetapi Roh itoe hidoep adanja sebab kabeneran.
11. Maka kaloe Rohnja Dia, jang membangoenken Jesoes dari mati, ada dalem kamoe, {Rom 6:4,5; 1Ko 6:14; 2Ko 4:14; Efe 2:5; Kol 2:13} maka jang membangoenken Kristoes dari mati, Dia djoega nanti menghidoepken badanmoe jang mati itoe olih Rohnja, jang ada dalem kamoe.
12. Sebab itoe, hei segala soedarakoe! boekan kita berhoetang sama napsoe djahat, akan hidoep menoeroet maoenja napsoe djahat.
13. Karna kaloe kamoe hidoep menoeroet napsoe djahat, kamoe nanti mati; tetapi kaloe kamoe
