Halaman:Perboewatan Segala Rasoel.pdf/12

jang menengar itoe perkara, kadatengan takoet jang besar.
12 Maka {Kis 2:43; Mar 16:17} banjak tanda dan adjaib di-adaken olih tangan itoe rasoel di-antara orang banjak; maka dia-orang samowa ada berkoempoel dengan satoe hati dipenghadepan Soleman namanja.
13 Maka dari jang lain itoe trada satoe orang jang brani deket sama dia-orang; akan tetapi itoe orang banjak menghormati sama dia-orang baik-baik.
14 Maka mangkin bertambah-tambah orang jang pertjaja sama Toehan, ija-itoe bebrapa banjak orang daripada laki-laki dan perampoewan;
15 Sampe dikloewarken orang bebrapa orang jang sakit ditengah djalan, lantas ditaroh sama dia di-atas tiker dan bale-bale, sopaja kaloe Petroes dateng, salah satoe orang bolih kena bajang-bajangnja sadja.
16 Maka banjak orang koeliling negari kloewar dateng dinegari Jeroezalem, serta membawa bebrapa orang jang sakit, dan orang jang {Kis 8:7; 16:18; 19:12; Mar 16:17} diganggoe setan nadjis, maka samowa orang itoe disemboehken.
17 Maka bangoenlah imam-besar dan segala orang jang sertanja (samowa dia-orang dari oemat orang Sadoeki), maka dia-orang djadi terlaloe panas-hati.
18 Dia tangkap sama itoe rasoel, lantas dia masoekken dia-orang dalem pandjara.
19 Tetapi {Kis 12:7; 16:26} malaikat Toehan memboekaken pintoe pandjara itoe pada malam, lantas dia hantarken sama dia-orang kaloewar, katanja:
20 Pergilah kamoe, berdiri dalem kabah, kataken sama itoe orang banjak segala perkataan selamat ini.
21 Maka kapan dia-orang soedah dengar itoe, lantas pada pagi-pagi hari dia-orang masok dalem kabah serta mengadjar. Maka dateng imam-besar dan segala orang jang sertanja, dia koempoelken {Madjelis artinja: pakoempoelan} madjelis bitjara serta orang toewa-toewa bangsa Israil, lantas dia soeroehken orang pergi dipandjara mengambil sama itoe rasoel.
22 Tetapi kapan itoe soeroehan dateng disana, dia dapeti dia-orang trada lagi dalem pandjara, lantas itoe orang balik kembali membawa kabar,
23 Katanja: Sasoenggoehnja kita-orang dapet sama itoe pandjara terkoentji baik-baik, dan lagi segala penoenggoenja ada berdiri dimoeka pintoe; tetapi kapan kita-orang boeka pintoenja, kita-orang trada dapet satoe orang didalemnja.
24 Maka kapan imam-besar dan panghoeloe kabah dan segala kapala imam dengar segala perkataan ini, lantas dia-orang djadi bimbang hati dari sebab itoe orang, dan dia berpikirken bagimana nanti kasoedahannja.
25 Maka koetika itoe dateng sa-orang kasih taoe sama dia-orang, katanja: Lihat, orang jang kamoe toetoep dalem pan-