-19-
atoeran ini, pachter nanti didenda sapoeloeh roepia aken tiap kali berlambat saharian, tapi dendaän itoe paling besarnja poen sampe lima ratoes roepia sadja.
Dengan memoelangken soerat pas itoe, pachter menjataken, jang ija soedah menggoenaken pas itoe dengan toeroet sabagimana boenjinja.
e. Sri Padoeka Toewan-besar Gouverneur-Generaal nanti menantoeken ambtenaar-ambtenaar dan pegawe negri aken periksa apioen jang lagi dibawa djalan; maka ambtenaar-ambtenaar dan pegawe itoe, dengan menoeroet printahnja Kapala negri, ada koewasa aken periksa apioen jang terbawa itoe di dalam segala waktoe-salama apioen itoe masih ada di djalanan apa banjaknja dan kaädaännja ada tjotjok sama boenji pasnja; aken memeriksa demikian, pemeriksa itoe boleh petjahken tjapnja peti atawa boengkoesan apioen itoe, tapi haroes ija toetoep dan tjap kombali dengan tjap pangkatnja sendiri, atawa-kaloe tiada ada itoe- dengan satoe tjap jang dibriken padanja oleh Kapala negri aken kerdjaän itoe; tiap kali habis memeriksa demikian, pemeriksa itoe menaro satoe tanda di soerat pasnja apioen, dengan toelisken djoega hal kaädaännja tjap jang baroe itoe.
f. Sasoewatoe pas jang telah dikaloewarken, haroes ditoelisken di satoe daftar oleh jang membriken pas itoe.
Tiap kali habis membriken pas apioen, haroes-
