— 306 —
menoendjoeki sekali jang akoe tida berharga djoega aken tertjinta olehmoe! Apa maoe akoe tinggal lebi lama didampingmoe? Apa barangkali malaenkan boeat menjenangken kaoe poenja liati dengen senjoera-senjoem manis, samantara hatikoe tertindes dengen pengrasahan doeka dan sedih? . . . . .”
Baginda berdiam lagi sakoetika lamanja. Ia pikir boelak-balik dengen sanget doeka, tapi tida ia dapet satoe akal laen, boeat memboedjoek si nona jang tertjinta. Maka achir-achir, sasoeda merasa betoel-betoel kapoetoesan daja, ia berkata:
„Kaloe kaoe ada rasa begitoe, anak manis, bilanglah sadja kaoe poen ja kainginan. Lebi doeloe akoe berdjandji padamoe, nanti menoeroet apa djoega jang kaoe minta akoe lakoeken !”
Tatkalah itoe matanja Caroline lantas djadi bertjaja kombali. Senjoem manis tersimpoel di sapoeter moeloetnja, jang sabagi ada mengemoeh aer madoe penghidoepan. Di itoe sa’at djoega ia melajangken tangannja jang lentik, memeloek leher baginda, kamoedian berseroe dengen soeara girang:
„Akoe poen memang soeda mendoega lebi doeloe! Kaoe nanti tida soengkan
