— 165 —
boenga-raja laloe berkata dengen bersenjoem sindir:
„Do begini toh djalannja orang jang maoe djadi baek! Berminggoe-minggoe tida kaliatan mata idoengnja bikin orang samoeanja djadi kangan."
„Mana goea maoe dateng-dateng," kata anak moeda itoe dengen djengitin moekanja, „di sini engga laen goea dapet liat teroktok sengek jang membosanin."
Mira maoe boekah moeloet lagi, tapi anak moeda itoe lebi doeloe soeda masoek ka dalem soeatoe kamar jang kosong, dan sasoeda memboekah pakeannja, laloe ia rebahken diri di atas pembaringan.
Ia goelak-goelik ka sana-sini, kamoedian laloe berkata dalem hati:
„Kaloe sekarang goea bisa dapet poeles soenggoe enak sekali ; apa lagi sampe samentar malem poekoel delapan goea baroe mendoesin ! Goea pergi djalan-djalan samentaran ka pasar malem; di sitoe goea nal peroet kenjang-kenjang, habis loentang-lantoeng samentaran lantas soeda poekoel sabelas. . . . . ."
Aken tetapi tidalah ia bisa dapetken apa jang ada begitoe diharep olehnja. Lantaran terlaloe kagirangan, ia poenja hati djadi tida brentinja berdebar-debar, kapingin lekas-lekas sampe di itoe waktoe jang sedeng ia toenggoeken.
Samantara itoe Mira laloe masoek ka dalem itoe kamar, dan laloe berdoedoek di pinggir pembaringan, seraja berkata :
