— 121 —
Sekarang ia berlaga maoe baek-baek soepaja orang toewanja boleh lantas tergerak hati boeat tjari'in anak orang. Kaloe orang oeda ada niatan begitoe, djadi dosa toh kaloe goea halang-halangin. Nanti, nanti kaloe ia soeda kawin, masa oeroengan engga petja badjoenja kaloe ia brani maoe lekas-lekas poelang lagi.“
„Djangan sekarangnja sadja loe tekeboerin diri, Botan !" kata Mira. ,Nantinja goea kapingin liat: loe brani engga berboeat seperti jang loe kata sekarang. Kaloe loe brani tarik sampe petja ia poenja badjoe, ba Ban-tjoan djoega engga nanti ajal boeat presen loe satoe gamparan. Brapa si bagoesnja loe poenja moeka sampe dia misti keremin loe sadja, sedengan ia soeda dapet anak prawan. Taroh goea lagi, goea nanti tendang persetan sama loe kaloe loe brani begitoe bertingkah.“
„Nah-nah, ni bagoes ni," kata Doeritja, ,engga toh loe bisa menjaoet lagi, Botan ! Tjoba loe liat, ba Ban-tjoan katawain sadja sama loe !“
Botan kenah kapoekoel dengen perkatahannja itoe doewa prampoean, tinggal diam sampe sakoetika lamanja, dan sabelon ia bisa mendjawab soeatoe apa, Ban-tjoan laloe berkata :
„Goea djoega maoe kata loe jang salah, Botan ! Apa sampe begitoe lama loe masi belon taoe ? — kaloe di sini maoe di'ibaratken roemah rajap, goea inilah jang djadi gegendonnja ! Tentoe sadja,
