A.G.G
66
bau hendak memperhoeboengkan tjinta kasihnya kepada, sebagai jang terseboet dibawah ini.
DISAMPAIKAN
Kehadapan madjelis yang terhormat
Perkoempoelan Minangkabau Instituut
Keizergracht 690
AMSTERDAM
ASSALAMOE'ALAIKOM !
Awal bamoelo kato disaboei' - Sambah terhadap kapado toean-toean sagalo djauhari
bidjaksano - didalam medan madjilis nangko :
Anak itik ateh dalimo, Anak alang dalam baloeka;
Katjia' de' kami tidak kan tasaboei' namo, Gadang tida'kan tapoedji gala;
Sambah djo simpoeah mandjalani.
Malanta' ka Indogiri, Biloeloea' djatoeah kalambah;
Soenggoeahpoen tagak kalam badiri, Samisal kami doedoea' manjambah
Toedoeang nangko siradjo kandai, Ko' bagalah roendoea'-roendoea'kan;
Kami nangko beloemisi pandai, Ko' salah toendjoea'-toendjoea'kan.
Tai siboengo atai, Lah kambang boengo sitawa;
Meski tatjatjah djanggoei' kalantai, Tida' manoesia nan ta' gawa.
Akan digantang tigo gantang, Akan disoeke' tigo soeke';
Akan dirantang hanjo pandjang, Elo' dipoenta ma'njo singke'.
Moelonjo soere' kami karang — kaganti badan diri kami - oeleh moeloei' samboengan lidah - pambaleh soere' dari toean kaganti siriah ditjarano - datang mangadap diharibaan- sagalo djauhari bidja'sano - didalam medan madjilis nagko - kaganti sambah dengan soedjoei' - kaganti doadoea' kato - eoliah kami 'rang Minangkabau - dimoeko sidang karapatan - sasakalikami manaroeah gawa - bariboe kali kami ampoen.
Ko' pandjang minta' dikare' - baroebah minta' dibaiki - toeann oempamo ninia' mama' kami - samisal iboe dengan bapo tampat balindoeang kapanehan - tampat batadoeah kahoedjanan - tempat maminta' kalapangan - djoko' tamboeah soeko djo sampi' - tipa' dibadan diri kami - tida' kami doeo bitjaro - tida' kami soeroei' didjalan -ma'aloem poelang bake toean.
Boekannjo itoe kini sdjo - sadja' dahoeloe ba'itoe djoeo - sadja' dininia' moejang kami - nan moelo-moelo bakanalan - djo ninia' moejang
