Halaman:PDIKM 691-04 Majalah Aboean Goeroe-Goeroe April 1927.pdf/13

Dari Wikisumber bahasa Indonesia, perpustakaan bebas
Halaman ini tervalidasi

A.G.G.

81


rang Minangkabau djoeo :

Maso kete' pandan dibanda ÷ lah gadang pandan dirimbo;

Maso kete' masa' pangadja ÷ lah gadang akoean tibo.

Mandanga kaba nan saélok itoe, barapolah karijangnjo hati oerang Minangkabau gadang katji', toeo moedo, karano bahaso dan `adatnjo alah akan diadjakan poelo dalam sekolah disiko- oelih karano itoe ta' dape' tidak tantoelah oerang moedo-moedo Minangkabau nan salamo iko alah aga' loepo kapado 'adat dan bahasonjo itoe, akan babaliak mantjintai dan manjajangi bahaso dan 'adatnjo itoe dan akan pasalah djalan nan lah samak itoe kalau lah banjak kali ditoeroei'-toeroei', ba' itoe djoeo kadji nan ta' basaboei', salamo iko, akan djadi lantjalah toelo, sabab alah akan banjak kali dioelang-oelang.

Lamak kato dipakatokan- lamak laoek dikoenjah-koenjah kato oerang toeo-toeo — Itoepoen de' lamo ketje' mangel je' — Sabab roending alah banjak nan tasaboei' — waktoe mampakatokan akan mangadjakan bahaso dan `adat tadi, takana poelo de' ankoe-ankoe goeroe itoe akan mangaloewakan saboeah soere' kaba tijdschrift nan akan dinamoi Orgaan Aboean Goeroe-Goeroe, oentoeak kamadjoean onderwijs — bahaso dan bangso di- Minangkabauko. Dalam pado itoe takana poelo de' baliau pangamoedi, soepajo hambo soeko poelo sato sakete' • sakete' dalam soere' kaba baliau itoe, Mako parmintaan baliau-baliau itoe hambo tarimolah dengan sagalo sanang hati, sabab sange' gadang hati hambo mandanga kaba tantangan makasoei' baliau-baliau itoe handak mahidoei'kan bahaso dan `adat Minangkabau karano itoe maskipoen hamba boekan dalam golongan goeroe dan tidak poelo pasiah dalam hal edjaan dan kalimat kato-kato dalam hal karang-mangarang, hambo jakinkan poelo lah hati hambo manoeroeti djadjak baliau-baliau itoe dari balakang, moedah-moedahan disampaikan Allah makasoei' baliau nan moelia itoe dengan sagiro.

Oelih hambu alah lamo bana tatjinto nan saroepo itoe, tatapi baalah akan manjaboei'njo, soeko bana bagi diri hambo malaloekan makasoei' itoe, „taraso lai takatokan tidak", ba' sibisoe barasian kata oerang, takana lai, tasaboei' tidak. Karano sarno ma'loemlah ankoe-ankoe — tipa' dioentoeang badan hambo.

Saroepo kalete' ikoeah kambing kato oerang, maskipoen bagimano bana kalete' njo, indaklah akan takoei' langau dikalete' nan saroepo itoe, tatapi kalete' ikoeah kabau, bago sakali kasoeok - sakali kakida dikalete' kannjo ikoeahnjo itoe, baserak-serak langan kian kamari tabang katakoetan kanai kalétéknjo nan sakali-sakali itoe. Ba' itoelah nan taraso dalam hati bambo salamo iko, mako indak tasaboei' saboei' nan sarnatjam itoe oelih hambo soenggoeh poen tidak tasaboei' de' hambo niat hambo itoe sadjak salamo iko, karano de' mamikiakan nan tadi, dalam pado itoe hambo oesahokan djoeo mangarang boekoe `adat satjaro babaso disiko nan hambo