88 TJERITA ROMAN
uJa, tapi akoe djoega ada mempoenjai kapentingan jang beroepa sabelas riboe roepiah sebagi saparo ka- pitaal dari soerat-kabar kita, hingga akoe tida bisa an- tepken orang bikin roesak kapentingannja kita poenja soerat-kabar!"' oetjapken Eng-tay jang djoega diadi se- ngit-
,Akoe tida perdoeli,"" kata lagi Soey-hok, besok akoe poenia hoofclartikel itoe dimoeat atawa akoe le- taken akoe poenja diabatan.”
Eng-tay bingoeng dioega, sebab ia poen mengarti jang Soeyhok adalah itoe orang jang memadjoeken soerat-kabarnja, Maka ia berkata dengen lebih sabar:
Denger, Soey-hok, soerat-kabar tida berbeda de- ngen laen-laen perdagangan jang perloe oewang boe- at mendjaga hidoepnja. Lagi Eng-kiat ada kaoepoe- nja Oom sendiri dan ingetlah boeat kasantosa'an diri kaoe sendiri, jang Eng-kiat ada sanget berpengaroeh!"
,'Ntjek,"" menetepken itoe pamoeda, ,,akoe boleh dibikin binasa oleh iapoenja pengaroeh, tapi akoe tida kasih akoe poenja liangsiem dibikin taloek olehnja, ti- da perdoeli ia mempoenjai oewang joeta'an!"
Eng-tay berdiam dan berpikir sakoetika lamanja, ka- moedian ia berkata lagi: ,,Soerat-kabar kita perloe de- ngen oewang, Hok, dan soerat kabar kita haroes me- rasa bertrima kasi pada Eng-kiat, jang Eng-kiat soedah soeka masoeken sapoeloe riboe roepiah boeat tambah kapitaalnja ,,Perlombahan"!"
Soey-hok djadi kamekmek. Sakoetika lamanja ia me- ngawasin pada iapoenja madjikan.
Apa jang kaoe hendak artiken?" tanjak Soey-hok.
Eng-tay tarik latji medja toelisnja, lemparken satoe cheque jang terisi djoemblah sepoeloeh riboe roepiah di hadepannja Soey-hok, hingga itoe pamoeda sakoe- djoer badannja djadi goemeter lantaren tahan amarah-
nOEWANG. 89
nia.
" Tapi, ini cheque ada atas nama kaoe, boekan atas namanja ,,Perlombahan"’ kata lagi Soey-hok dengen ampir poetoes harepen, dan kapan ini oewang diberi- ken pada kaoe?”
Soedah lama ia bitjaraken dengen akoe boeat ma- soeken kapitaalnja dalem Perlombahan", tapi baroe samalem ia stort ini oewang!"
Soey-hok mengelah napas, japoenja harepan boeat belaken kabeneran soedah loedes, ia sekarang merasa kalah dengen pengaroehnja oewang, tapi boeat kasih liangsimnja ditaloekin itoe ia tida soedi, maka djoega ia lantas berkata:
Kaloe begitoe, ‘ntjek, akoe moesti letakin akoe- poenja djabatan!"’
Pikir doeloe jang betoel, Hok,” kata lagi Eng-tay.
Tapi Soey-hok lantas menjacet dengen pendek: ,,Ti- da ada apa-apa lagi jang akoe moesti pikir, besok akoe poenja ,siamet berpisah” aken dimoeat.
Ini poen telah kadjadian besokannja dan sebaliknja dari pada serangan pada klieknia Eng-kiat, besokannja dimoeat satoe poediian jang moeloek bagi Eng-kiat, malah ada dimoeat djoega gambarnja, katanja goena pringetken iapoenja jubileum soedah 30 taon dalem perdagangan.
Oewang jang gagoe soedah bikin lempeng apa jang bengok!
jang aken dimoeat dalem Tjerita Roman Februari soeng- goeh tida mengetjiwaken boeat djadi pembatja‘annja pembatija.
Toenggoelah! +
