64 TJERITA ROMAN
dan dingin, seperti boekan sifatnja soerat persoba- tan?
Kaloe dibandingken ka-ada'annja waktoe tinggal sama iapoenja Oom dan sekarang, betoel penghidoe- pannja Soey-hok lebih tentrem, tapi boleh dibilang ada lebih soeker. Ada tempo jang ia moesti tioeti sendiri pakeannja, ada koetika jang ia moesti tambel sendiri pakeannja jang petjah dan seringkali ia tioe- ma makan satos kali dalem satoe hari, kerna oewa Ho- liang poen berboeat begitoe goena berhimat. Bila Eng-lin ada satoe sdbat dalem artian jang betoel, be- gitoe Soey-hok teroes beroending sendirian, saharoes- nja dioestroe ini waktoe ia moesti menoeloeng, sedi- kitnja dengen djangan menagih padanja perkara itoe pindjeman, djoestroe sedeng ia berada dalem ka-ada- an mati tida, hidoep poen tida.
Sekarang bagi Soey-hok perboeatannja Eng-lin dja- di terang. Boekankah sehabisnja mengasih pindjem itoe cewang f 100.—, Engin telah oetjapken pade- nja: wHok, kaloe papania Bie Nio tanjak katerangan pada kaoe, kaoe moesti toeloeng kasih katerangan jang baek, kerna akoe boekan satoe padri.”’
Ja, sekarang itoe perkata'an - perkata'an kadenge- ran lagi begitoe njata di koepingnja Soey-hok, saper- ti dioega ia baroe denger lima minut berselang.
Ja, sekarang ia mengarti. Eng-lin soedah berboeat begitoe baek padanja dengen kasi pindjem itoe oe- wang, kerna Eng-lin perloe dengen dirinja, jaitoe goe- na kasi katerangan baek pada Oomnja dan djoega soepaja dengen baekin pada Soey-hok, Eng-lin dja- di bisa lebih sering dateng di roemahnja Bie Nio de- ngen zonder menerbitken katjoeriga’an.
la denger dari iapoenja kawan-kawan di sekoah, ba- hoea Eng-lin sekarang tida soeke dateng lagi di roe-
rOEWANG, 65
mahnja Bie Nio, sebab telah dapetken »blauwtie” ata- wa lamarannja ditolak.
Dengen begitoe Eng-lin tida perloe lagi dengen toe sobat, djadi itoe oewang moesti dikasi kombali.
0." berkata Soey-hok saorang diri, ,djadi begitoe sadia ertinja itoe perkata'an sobat. Kaloe kita ber- kapentingan pada satoe orang, itoe orang kita _na- maken sobat kita, tapi di mana kapentingannja ma- sing-masing soedah terpentjar djatan di sitoe djoega itoe perka'tan sobat djadi lembek sifatnja sampe achir-achimnja diadi asing dan tida berbeda dengen kenalan biasa. Apa jang kita namaken satroe atawa moesoeh, djadi melaenken marika sadia jang kapen- tingannja. mengandang di djalanan kita, tapi poen dengen itoe moesoeh kita bisa djadi sobat, kaloe ka- pentingannja ada saroepa!""
Sasoedahnja beroending begitoe, Soey-hok laloe ki- rim balesan pada Eng-lin. la poenja soerat tida pan- djang. la menjataken soeka bajar itoe oetang, bila ka-ada'an soedah mengidzinken. Ini waktoe boekan ia tida maoe, tapi tida bisa bajar. la harep dan pertia- ja Eng-lin soeka mengarti nanti mengarti iapoenia ka- ferangan jang sadjoedjoernja itoe. Maskipoen soedah tida perloe lagi dengen dirinja, sedikitnja Soey-hok mengharep, jang antara Eng-lin dan ia masih kating- galan bekas-bekesnja itoe tali persobatan dari doe- loe, tali jang bisa membikin orang bisa saling menoe- Joeng dan saling mengatahoein, tapi ini blakangan ia aken katjele. Kerna dalem oeroesan oewang, perso- batan artinja sama djoega angin.
Satelah memikirken itoe semoea jang membikin ke- palanja diadi merasa poejeng, Soey-hok laloe rebah- ken dirinja di pembaringan, tapi jang sabenernja me- laenken berarti satoe bale-bale atas mana tergelar sa-
