90
TJERITA ROMAN
moean di itoe gedong jang besar boeat rajahken Hoo-liang poenja hari taoen.
„Akoe harep kaoe berada dalem slamet, nona,” berkata King-san dalem bahasa Inggris, sesoedahnja ia berhadepan dengen itoe nona, jang sekarang keliatannja ada lebih lelah dan lesoe dari pada ia boeat pertama kali ketamoein padanja.
„Och, trima kasih toean, tapi........tapi....... apakah kaoe tida menjesel soedah berboeat ini semoea boeat goenakoe, seorang jang tida berharga lagi boeat kaoe! Kaoe ada satoe gentlemen sedjati sedeng akoe........akoe tida lebih dari satoe Macao-po jang kotor?”
„Kenapa kenapa akoe moesti menjesel soedah lakoeken ini aken goenanja kaoe........?” King-san tida bisa teroesken perkata'annja, kerna itoe mata jang tjeli dari A-moay soedah pandeng padanja begitoe roepa, seolah-olah sinarannja lampoe listrik jang bisa bikin boenar matanja..... „Kenapa.... menjesel? Akoe tida nanti merasa menjesel sedikitpoen, malahan akoe merasa bertrima kasih kepada Allah jang soedah beriken akoe kekoeatan pikiran aken satoe kali bisa lepasken kaoe dari itoe bahaja.”
A-moay tida brentinja pandeng pada itoe pemoeda jang mempoenjai itoe paras moeka jang gagah dan angker dan tingka lakoenja jang sanget sopan dan terhormat, jang mana bikin ia djoega djatoh hati padanja, tapi ia bisa pertahanken itoe semoea dan laloe berkata:
„O, toean King-san........ akoe taoe........ akoe taoe jang kaoe soedah tjintain dirikoe........ tapi.... tapi kaoe nanti merasa menjesel kaloe akoe toetoerken apa jang soedah terdjadi atas dirikoe se-
