'MACAO-PO
89
Betoel djoega waktoe King-san baroe sadja angkat itoe telefoon ia lalog berkata: „O, saja sebentar aken dateng, toean.“ Njata itoe politie ada minta iapoenja dateng ka Hoofdbureau boeat soeka kasihken ketrangan apa-apa jang ia taoe tentang ini oeroesan.
Begitoelah sebentar lagi ia soedah berada di depannja itoe kantoran dan waktoe ia maoe bertindak masoek ka itoe gedong, satoe politie bangsa Blanda laloe samperin padanja dan berkata dalem bahasa Blanda:
„Politie di Batavia moesti merasa bertrima kasih pada toean, hingga kita bisa bongkar ini komplotan tengkoelak-tengkoelak manoesia, jang memang soedah lama ada mendjadi politie poenja intjeran, tapi jang sebegitoe djaoeh masih tida ada boekti jang terang aken lakoeken itoe penangkepan.“
Saja poen merasa bersoekoer dengen ini semoea. Dan apakah itoe prempoean moeda jang bernama Kong A-moay djoega soedah berada di sini?
Itoe politie mesem, agaknja ia soedah taoe siapa jang dimaksoedken oleh itoe anak moeda.
„Ja. . . . . . . .“ menjaoet itoe politie. „Tapi. . . . . . . . tapi. . . .“
„Tapi kenapa. . . . . . . . apakah ia dapet ketjilaka'an?“
„Ach. baeklah toean ketemoein doeloe itoe nona, jang memangnja ingin bisa djoempahin pada toean dan sesoedahnja ito............“ Itoe politie tida landjoetken perkata'annja laloe adjak pada Kingsan masoek boeat ketemoein A-moay jang berada di satoe kamar bersama-sama dengen tida koerang dari delapan prempoean laennja, jang antaranja King-san ada kenalin tempo adanja itoe perdja-
