djadian jang tida enak ini malem.”
Begitoelah dengen tida sabaran ia laloe maoe pergi dan bertaoeken sendiri ini oeroesan pada politie dengen ia nanti kasih oendjoek dan anter itoe orang-orang politie di roemah.
Tapi baroe sadja ia klaar boleh berpakean, sang ajah telah dateng dengen paras moekanja kliatan sanget goesar sekali.
„Bagimana............ pa............ apakah itoe orang- orang soedah ditangkep............?”
„Njata kaoe soedah diklaboein oleh itoe prempoean latjoer............” berkata sang ajah dengen sedikit keren. „Akoe soedah selidikin dengen teliti sekali dan dapetken kenjata’an jang itoe prempoean jang kaoe maksoedken ada satoe prempoean jang terkenal toekang pelet hatinja anak-anak moeda dari kaoem hartawan agar ia bisa dapetken oewang banjak sekali, dengen maenken lelakonnja sebagi satoe prempoean terhormat.”
„Tapi........tapi........ papa, akoe tida pertjaja jang ia ada itoe orang............” berkata King-san.
„Ach, King-san, kaoe masih terlaloe idjo boeat bisa mengetahoei itoe semoea.” memoetoes Ntjik Lotia pembitjara’annja itoe anak. „Itoe prempoean atas maoenja sendiri soedah latjoerken dirinja, lantaran ia inginken gaet oewangnja kaoem hartawan.”
„Tapi akoe soedah berdjandji akan toeloeng padanja, papa........” King-san roepanja masih tida pertjaja dengen apa jang sang ajah toetoerken.
„Prempoean begitoe kaoe maoe toeloengin........ Och, King-san, itoe prempoean tida ada itoe harga boeat dapetken kaoe poenja pertoeloengan. Ia tida lebih dari.satoe M a c a o - p o; lagian kaoe
