72
TJERITA ROMAN
adjak ka satoe roemah gedong jang mirip sebagi satoe restaurant.
DI sitoe marika berdjamoe dengen sanget goembira sekali, dan kaloe itoe pesta soedah ampir boebaran, Hoo-liang ada minta pada sekalian sobat-sobatnja boeat soeka tinggal lagi aken minoem-minoeman. . . . . . . . bier. . . . . . . . whisky. . . . . . . . dan laen-laen minoeman keras serta tida lama lagi dari dalem ada kloear. . . . . . . . serombongan. . . . . . . . prempoean. . . . . . . . jang tjantik. . . . . . . .
„Marilah kita berseneng-seneng. . . . . . . . ini malem sepoeas-poeasnja. . . . . . . . . .“ meminta Hoo-liang pada sekalian sobatnja, jang mana tentoe sadja disamboet dengen goembira oleh marika, tjoema. . . . King-san sendiri merasa tida setoedjoe dengen adanja itoe matjem pesta. Ia laloe berdiri dari tempat doedoeknja dan berkata: „Akoe membilang banjak trima kasih atas kaoe poenja oendangan, Hoo-liang.... tapi ma'afken, akoe tida bisa tinggal lama di sini dengen ini matjem poenja pesta. Akoe harep kaoe orang semoa bisa berseneng-seneng. . . . . . . .“ Ia laloe tarik korsinja dan berlaloe dari sitoe, sambil sobat-sobatnja ketawaken padanja selakoe djengenkan. Tapi ia tida goebris itoe semoea dan berdjalan teroes.
Sampe di satoe roeangan ia telah di samperin oleh seorang jang berpengawakan gemoek dan berkata: „Toean ingin ka mana?“
„Akoe ingin kloear dari ini roemah, oendjoekenlah akoe djalan. . . . . . . . . .“
„Di sitoe kaoe tida bisa djalan kloear, toean, tapi akoe harep kaoe soeka toeroet padakoe boeat akoe kasih oendjoek kaoe pintoe kloear,“ berkata itoe orang gemoek.
