70
TJERITA ROMAN
dan akoe poen tida ingin jang akoe poenja orang toea nanti mengetahoei apa jang soedah terdjadi atas dirikoe di ini negri.“
„Tapi simpenlah ini semoea, barangkali kaoe nanti perloe pake.“
Saking girangnja A-moay itoe malem tida bisa meremken matanja dan sabenkali ia pandeng itoe pemoeda jang gagah, ia seperti kena pengaroeh apa-apa jang gaib.
Begitoelah semalem itoe, doea pemoeda itoe bertjakep-tjakep dengen penoeh perasa'an soeka dan dengen diam-diam King-san poedji atas ketjantikannja itoe anak gadis dari Hongkong jang bernasib djelek. Njata itoe gadis soedah dapet tjoeri perasa'an hatinja itoe penoeloeng jang baek. Ia tida berasa mengantoek sama sekali, maskipoen iapoenja badan ia rasaken sanget lelah dan tjape.
Kaloe djam soedah mengoetaraken poekoel tiga deket fadjar, baroe King-san tinggalken pada A-moay dengen berkata:
„Besok kaoe aken kloear dari ini roemah ,nona, pertjajalah padakoe.“
„O, trima kasih. . . . . . . .“
Waktoe itoe pemoeda soedah tinggalken padanja, A-moay laloe menangis bahna girangnja. Poelang. . . . poelang ka roemahkoe sendiri. . . . . . . . ka iboe dan bapakoe sendiri. Och biarlah Allah nanti lindoengin padakoe.“
So King-san ada satoe pemoeda jang banjak dikenal dalem pergaoelan. Ia baroe sadja tamatken peladjarannja di mana sala satoe Hoogeschool di Batavia dan tida lama lagi aken teroesken paladjarannja ka Europa. Ia ada poetra satoe-satoenja dari
