68
TJERITA ROMAN
ratapan itoe gadis, tapi itoe sinaran jang tjeli dan tadjem jang kloear dari satoe matanja seorang gadis jang tida berdosa, telah bikin tergeraknja iapoenja hati dan soemanget.
,,Akoe moesti pikir doeloe, djalan bagimana akoe bisa lolosken kaoe dari ini roemah, nona. Akoe ingetan boeat bertaoeken ini semoea pada politie, bahoea kaoe di ini roemah soedah diperlakoeken dengen kedjem sekali oleh itoe orang gemoek. Akoe pertjaja jang nanti politie aken oebrak-abrik ini roemah jang boeroek. Dan menoeroet akoe poenja pikiran ada lebih baek kaoe ini malem tinggal di sini sadja doeloe, kerna akoe tentoe tida di idzinken bawa kaoe kloear di ini waktoe sebab akoe sekarang mengerti apa jang dimaoeken oleh itoe orang gemoek atas kaoé poenja diri, jaitoe kaoe ada diboeat gaman aken pentjariannja." berkata lebih djaoeh itoe pemoeda dengen soenggoeh-soenggoeh. ,,Besok akoe dateng poela dengen orang-orang politie boeat lolosken kaoe dari ini djaringan."
A-moay merasa bersoekoer jang itoe anak moeda ada dateng, jang mana ia anggep seperti datengnja malaekat jang aken angkat padanja dari itoe geloembang ketjilaka'an. Aer matanja melele teroes dari kedoea matanja.
,,O........... trima kasih.. trima kasih........ akoe merasa bersoekoer sekali. Tapi............ tapi apakah kaoe bisa djaga padakoe ini malem, soepaja tida ada laen orang dateng........?"
Itoe pemoeda berpikir sebentaran dan laloe berkata: ,,Baeklah, nona, akoe djaga kaoe ini malem. Mengasolah kaloe kaoe maoe mengasoh........"
A-moay mengelah napas pandjang: Njatalah tida semoea orang di ini negri ada terdiri dari orang--
