64
TJERITA ROMAN
V.
A-MOAY itoe hari tida dapetken makanan apa-apa dan di sekep kombali di dalem kamarnja dengen ia poenja keada'an telandjang boelet.
Ia tida brani toeroen dari randjangnja, kerna selaennja merasaken badannja soedah amat pajah, poen ia koeatir sekali nanti ada orang masoek dan dapetken ia dalem itoe keada'an.
Sekira djam 6 sore. . . . . . . . . . . .
Baroe sadja ia bisa ngasohken pikirannja dari semoea kedjadian-kedjadian jang sanget gandjil jang diperlakoeken atas ditinja, ia soedah dibikin kaget lagi dengen soeara tindakannja orang jang mendatengin dan pintoe kamarnja kedengeran di boeka.
Belon sempet bolehnja A-moay aken semboeniken badannja dibawahnja sprei dari itoe tempat tidoer, satoe pemoeda jang berpengawakan tegep dan gagah dengen matanja jang tadjem dan roman moekanja jang angker, soedah berdiri di hadepannja dan. . . . . . . . . . . . waktoe meliat pada itoe gadis jang dalem itoe keada'an jang menjiloken mata, ia djadi kaget dan dengen goegoepnja ia laloe balikin badannja aken kloear lagi dari itoe kamar sambil oetjapken: „O, ma'afken akoe, nona. . . . . . . . . . . .“
A-moay pandeng dengen tida berkesip dan hatinja berdebaran pada itoe anak moeda, sasoedahnja dengen sebet ia bisa toetoepin toeboehnja dengen itoe kaen sprei.
„Kaoe maoe berboeat apa?“ menanja A-moay dengen angker, kerna ia sangka itoe pemoeda tentoe
