'MACAO-PO'
51
loengin padamoe. Kaoe boleh prentahken akoe apa sadja, tapi djangan ini satoe.”
„Kenapa............ kenapa............?”
„Akoe takoet sekali pada itoe toean jang bengis, tapi jang bajar akoe sanget banjak sekali.”
„Apakah manoesia sebagi itoe orang moesti perloe ditakoetin............ ia tida lebih dari satoe manoesia jang paling rendah, tida bedah dengen binatang!”
„Sssst............ djangan oetjapken itoe perkata’an, kaloe ia dapet denger itoe........ kaoe bisa ditjekek lehermoe, nona.”
Lantaran saking gemesnja A-moay tida tahan boeat tida menangis.
Boedjang itoe sesoedahnja selesih bersihken A-moay poenja toeboeh laloe berlaloe, boeat sebentar kemoedian dateng kombali dengen membawa setjangkir thee.
A-moay berada sendirian di itoe kamar.
Djam liwat djam ia mengletak di atas pembaringannja, sambil saben-saben menangis dengen sesenggoekan. Iapoenja peroet kombali brasa lapar, tapi seperti djoega pada harian kemaren, begitoelah ini hari ia tida dapetken makanan apa-apa selaennja itoe thee setjangkir jang tadi pagi ia dapetken dari itoe boedjang prempoean.
Ia liat keada’annja itoe kamar, jang semoea ada terlaloe rapet boeat ia bisa lolosken dirinja. Pikiran nekat laloe dateng padanja. Ia ingin sekali itoe waktoe bisa abisin djiwanja sadja sebelonnja laen bahaja mendatengin dan kehormatannja bisa diganggoe oleh segala manoesia binatang. Tapi waktoe baroe sadja ia maoe ambil kaen sprei dari tempat
