50
TJERITA ROMAN
kan djahat............‘ begitoelah A-moay saben-saben kata pada dirinja sendiri sambil matanja saben-saben memandeng pada itoe tjintjin jang iboenja ada beriken padanja di waktoean ia aken meninggalken iapoenja tanah aer.
Itoe malem ia tida bisa meremken matanja sama sekali, kerna ia sanget ketakoetan dan koeatir.........Di loear ia denger lontjeng soedah memoekoel doea kali, jang mana menandaken itoe waktoe soedah djam doea deket fadjar.
Keada'an di sekiternja sitoe ada sanget soenji sekali. Tida satoe manoesia poen ada kedengeran di itoe roemah.
Begitoelah, kaloe sang malem soedah terganti dengen sang pagi, A-moay masih sadja boelak-balik di atas randjangnja sambil pikirannja selaloe bekerdja boeat tjari djalan, tjara bagimana ia bisa lolosken dirinja dari kandangnja ini sekawanan Andjing Adjak jang sanget boeas.
Ia tida taoe moesti berboeat apa, kerna iapoenja keada'an ada sanget lelah boeat bisa bergerak dengen leloeasa.
Tida lama kemoedian itoe boedjang prempoean kliatan masoek dalem kamarnja dengen membawa satoe ember terisi aer panas. Dengen zonder tanja ini itoe, ia laloe boekain antero pakeannja A-moay dan laloe bersihken itoe badan jang montok dengen koelitnja jang koening semoe mera, dengen itoe aer panas.
„O..................” berkata A-moay. „Kesianinlah padakoe. Toeloenglah padakoe boeat bisa kloear dari ini roemah jang boeroek." meminta A-moay pada itoe boedjang.
„Tida... tida...... boeat ini akoe tida bisa toe-
