'MACAO-PO'
41
„O, ternjata ia ada satoe prempoean Kong-fu, akoe poenja bangsa sendiri.” ia berkata, sesoedahnja itoe prempoean tinggalken padanja.
Lantaran barangkali ia rasaken badannja terlaloe tjape; sesoedahnja minoem itoe thee jang disediaken, ia laloe nack di atas randjangnja, dengen kasoer jang empoek dan spreinja ada poetih bersih. Waktoe ia baroe sadja maoe meremken matanja, dengen ratap-ratap ia denger soeara ketawa'annja banjak prempoean. Tapi sesoedahnja pikir sebentar, ia tida poesingken itoe, kerna ia anggep itoe ada soeara ketawa'annja tetamoe-tetamoe dari iapoenja bakal madjikan.
Sebentar kemoedian ia djadi poeles.
Waktoe pada hari esoknja ia melekin matanja, ja rasaken badannja begitoe seger, kerna semalem ia bisa tidoer dengen njenjak sekali.
Itoe prempoean, jang semalem ada bawahken itoe thee padanja, jang ternjata ada mendjadi boedjang dalem itoe roemah, ada dateng kombali dan berkata: „Apa nona ingin mandi?”
A-moay manggoetken kepalanja, kerna ia masih tida bisa oetjapken perkata'an apa-apa, saking herannja meliat tingka-lakoenja itoe boedjang jang begitoe aneh.
„Di seblah podjokan sana ada terdapet satoe kamar mandi, di mana nona bisa bersihken nona poenja badan,” berkata poela itoe prémpoean sambil toedingken tangannja di satoe podjokan dari itoe kamar.
A-moay laloe boeka iapoenja pakean loear dan menoedjoe ka itoe kamar mandi dengen itoe boe- (teks tidak terbaca)
