’MACAO-PO’
29
ngen luchtpost, soepaja marika di sana bisa sedia-sedia lebih doeloe seblonnja ini boeroeng dara berada di Indonesia."
„Trima kasih, njonja, akoe nanti lakoèken apa jang kaoe maoeken dan segala ongkos-ongkos jang kaoe tadi inginken, akoe sigra aken ganti semoeanja selekasnja kita berada di Singapore.”
A-moay berdiri di deket sitoe sambil dengerken apa jang marika lagi omongken dengen begitoe goembira, tapi sajang, seriboe sajang ia tjoema bisa denger sadja sedengan ia sama sekali tida taoe apa jang marika lagi omongken.
Maskipoen begitoe A-moay sedikitpoen tida taroh tjoeriga apa-apa atas itoe doea orang, malahan ia merasa seneng, kaloe nanti sesampenja di Indonesia ia bisa fahamken itoe bahasa djoega.
Och, kaloe sadja A-moay mengetahoei satoe per satoe apa jang soedah dibitjaraken oleh itoe doea orang, kaloe sadja ia mengerti itoe bahasa, ia tentoe tida merasa seneng, ia tentoe itoe waktoe bisa terdjoenken dirinja di itoe laoetan jang lebar boeat kombali pada iboe-bapanja, atawapoen bisa mendjadi gila dengen mendadakan.
Njatalah A-moay soedah berada di tjangkremannja kawanan srigala jang ada mendjadi tengkoelak manoesia.
A-moay telah meninggalken iboe-bapanja, soedara dan tempat kelahirannja dengen penoeh pengharepan ia bisa beriken kesenengan pada marika jang ditinggal, dengen saben-saben kirim oewang ke roemah. Tapi ternjata itoe semoea impian jang moeloek dari A-moay bakalan boejar seanteronja, kaloe nanti ia mengetahoei pekerdja'an apa jang ia aken lakoeken di Indonesia.
