’MACAO-PO’
13
kean baroe dan laen-laen keperloean boeat A-liendan A-fang, kerna kebetoelan sekali jang harian taoen baroe soedah deket.”
Sang iboe mesem dan laloe berkata: „Ja, njata kaoe ada satoe anak jang baek sekali, A-moay. Kaoe selaloe pikirken boeat kita orang poenja kesenengan.”
„O, mama, akoe nanti merasa lebih broentoeng poela, kaloe dengen itoe oewang jang akoe dapet,akoe bisa ongkosin A-fang poenja sekolah di mana St. Stephen University.”
„Anakkoe...........” berkata itoe iboe dengen sanget terharoe dan laloe pegang pada tangannja itoe poetri.
„Akoe berdjandji aken berboeat sebisakoe goena kaoe orang semoea, mama.”
A-moay poenja paras moeka kliatan begitoe goembira, seolah-olah ia soedah dapetken itoe pekerdja'an jang ia sanget impiken. Ia loepa jang itoe pekerdja'an barangkali soedah ada laen orang jang ambil lebih doeloe dari ianja.
Dari saking girangnja dan merasa goembira, itoe malem A-moay tida dapet meremken matanja dan dengen tida sabaran ia menantiken datengnja sang fadjar.
Itoe malem selagi A-moay berada di tempat pembaringannja dan begitoe djoega laen-laennja soedah pada masoek tidoer, tinggallah itoe soeami-istri masih doedoek di deketnja itoe perapian sambil bitjaraken tentang keinginannja marika poenja poetri soepaja bisa dapetken itoe pekerdja'an di Batavia.
Kaloe sang soeami merasa bersoeka sekali dengen apa jang diniatken oleh sang poetri, adalah
