Halaman:Lamijoe Wakong.pdf/88

Dari Wikisumber bahasa Indonesia, perpustakaan bebas
Halaman ini tervalidasi

86

branie bikin beroepa goewa, kerdja goewa kotor, sekarang loe mistie toeroet goewa poenja maoe! loe mistie djadie Oeler! en Wakong ambil itoe Oeler, masokkin die dalem Popwenja, en hwangwe semoeanja orang-orangnja njang sebrapa ada, koewie bilang banjak trima kasie, en Wakong lantas terbang djalan die awan, dia poelang sampe die Libiesan, masok ketemoe binienja, Wakong kata: goewa soeda tangkep siloeman Oeler poetie, en sekarang goewa maoe pegi die mana tempat boeat tjarie ma, Kiongtjoe kata: die mana tempat die doennia loe soeda tjarie tiada ketemoe, barang kalie ada die imkan (akerat) soeda mati, Wakong kata: kaloe soeda matie, die mana tempat tjarie? Kiongtjoe kata: kaloe soeda matie, loe pegie die Tanggak Bio, tjoba tengok, ada atawa tiada loe poenja ma die sitoe, en Wakong dengar binienja oendjoekkin die sitoe, en lantas Wakong pegie die Tanggak Bio sampe die pintoenja, sampe die nataranja liat segala roempoet-roempoet banjak, njang djaga pintoe nama Samseng, liat ada orang dateng, lantas tanja kata: loe siapa orang? dateng die sini maoe apa? Wakong kata: goewa nama Wakong! abis ini Samseng kata: goewa dengar djoega nama loe boekannja orang bae, en pegie sana sini bikin perkara sadja, abis dateng die sini nantie tjarie perkara, en tiada bole masok, Wakong dengar tjaritanja, lantas mara, makie kata: loe branie bitjara begitoe kasar bikin atie goewa mara! abis kata lantas Wakong timpoek dianja sama Shakak Kimtjoei, ini Samseng larie masok bilang Sengte njang pegang orang matie, en Sengte tanja sama orangnja njang djadie djoeroetoelis nama Liok Tjo, kata: itoe orang dia poenja nama Wakong, djahat sekalie, dia dateng die sini apa dia poenja maoe? Liok Tjo kata: tentoe ada sebab-