30
boentoet, Konghoet kata sekarang Tian Ong dateng die sinie maoe apa? Wakong kata: tetjoe denger lesoe poenja bisa, djadie tetjoe dateng maoe bergoeroe, apa die trima atawa tiada? en Konghoet denger soeka atie, lantes pesen kaloe die sinie tiada bole kaija njang soeda, mistie toeroet soehoe poenja atoeran.
Tjarita Liong Ong lagie shedjit bikin pesta rame-rame minoem arak die tempatnja Liong Kiong dengen soeka atie en Liong Ong minoem itoe arak sampe mabok, kaloe malem dia gantoeng 1 tjoe nama Tjipotjoe, terang sekalie sinarnja sampe teroes ke-langit, en Wakong liat begitoe terang dia boeka matanja njang die djidat, taoe itoe Liong Kiong ada gantoeng 1 Tjoe begitoe terang, en Wakong kepengen itoe Tjoe, Wakong lantes Phie djadie siloeman Oedang, dia masoek die dalem laoet teroes djalan sampe die Liong Kiong lantes dia tjolong itoe Tjoe njang die gantoeng, dia bawa poelang die tempatnja Anggiok Sie dia simpen bae-bae itoe Tjoe, en tiada kasie Soehoenja taoe, sampe Liong Ong ilang mabok barang mendoesin liat itoe Tjoe soeda tiada, Liong Ong atienja djadie takoet en kesel, tanja orang-orangnja kata tiada taoe en die tjarie koeliling tempat tiada bole dapet, Liong Ong pikir barang. kalie siloeman dateng die sinie tjolong itoe Tjoe, en Liong Ong lantes pegie die Lam Haij tanja sama Koan-Im Hoetbo, en Koan-Im Hoetbo boeka matanja, kata boekannja siapa njang tjolong, ini Wakong dia phie djadie siloeman Oedang masoek die Liong Kiong tjolong itoe Tjoe, sekarang itoe Wakong ada die Tiauw Tjinsan Anggioksie Hwe IJam Konghoet, ada lagie merknja Koansian Taijsoe poenja moerit, kaloe loe maoe ambil itoe Tjoe bole phie die sitoe, Liong Ong denger Koan-Im Hoetbo bilang begitoe, Liong Ong membrie hormat lantes dia
