23
sekalie lebie bae kita minoem banjakkan, lantes dia minoem sampe mabok en lantes bangoen dari tempat doedoek serenta berkata ini kepala pesta: tiada pantes, sebab taon njang soeda goewa poenja bapa kaloe doedoek paling atas, en sekarang goewa gantie-in bapa die kasie goewa doedoek die pinggir, apa atoeran en tiada pantes, en Leng Ijauw saoettin kata loe poenja bapa taon doeloe dateng die pesta, kenapa ini taon loe njang gantie-in, sebab loe masie moeda pantes doedoek die pinggir, njang djadie kepala masa branie soeroe loe doedoek die atas, kenapa loe branie kata tiada atoeran en loe soeda poesing mabok arak, berkata masa kerdja goewa mara, en lantes die toelak dia soeroe kloewar pintoe langit, en njang laen masing-masing trima dia poenja kerdjahan oedjan die pegangannja, lantes masing-masing djalan poelang, en ini Taij Tjoe die toelak kloewar pintoe langit dia pikir tiada branie poelang ketemoein sama bapanja, djadie dia goijang badannja phie djadie Ikan besar, pandjangnja 2 toembak, toeroen die kalie nama IJang Tjioe Kang memaen dia semboer aer bikin ombak djalan-djalan sampe die watas Sou Tjioe pegie dateng, kaget itoe aer soeroet tjetek tiada bisa larie, ada orang potong kaijoe rame-rame maoe poelang liat die kalie ada 1 Ikan besar kandas tiada bisa larie, en itoe toekang potong kaijoe rame-rame lantes toeroen die kalie dari sebab tjetek, dia rame-rame potong itoe Ikan poenja isie, ini Ikan kena die potong iesinja kesakitan matanja kloewar aer tiada bole tahan kesakitan dia lantes berontak bangoen dia poekoel itoe toekang potong kaijoe nama Touw Njie lantes matie, itoe njang laen temennja liat begitoe ini Ikan djadie orang dia masing-masing larie poelang, en Ikan soeda djadie Taij Tjoe dia lantes
