12
bole dapet, en bininja en anaknja ada djaga sadja dia tiada maoe kloewar, en Liong Ong adjak orangnja njang die dalem laoet dateng die Goenoeng Manjisan, Liong Ong poenja ingatan maoe itoe Tjoe dengen kapengen itoe Nio-nio boeat bini, en sampe die Goenoeng Manjisan die kiterin itoe Goenoeng sama orangnja dengen makie-makie ini Manjisan, Nio-nio iagie doedoek denger ada Liong Ong dateng memakie, en Nio-nio kaget, pangil 2 anaknja dateng, kata: „kapanhari loe poenja bapa kasie ini bangsat potong mati, sekarang belon bole bales, tiada taoo dia poenja ati temaba dateng lagie die sini bawa orangnja, sekarang pegimana?” — menjaoet anak njang besar nama Pekioe, kata: „ma djangan kesel, pegie tidoer sadja, en orang kata serdadoe moesoe dateng kita lawan, en aer dateng kita bendoeng sama tana, sekarang nantie anak panggil serdadoe boeat lawan sama dia, kita tangkep lantes potong boeat bales bapa poenja Wansioe,” en panggil serdadoenja koempoelin kloewar lawan perang. Tjarita ini soedaranja Samgan Leng Kong (3 hari soeda bisa mengomong), sekarang soeda oeraoernja 13 taon, dia liat soedaranja kloewar perang sama Liong Ong dia bilang manja, kata: „maoe liat soedara perang, kaloe inko kala saija nantie bantoein, saija potong itoe Liong Ong sampe matie!” en manja tiada maoe kasi, sebab loe masie ketjil, en Leng Kong tiada maoe denger, dia lantes kloewar liat inkonja perang sama Liong Ong, tiada lama dia liat inkonja kala perang lari masoek die dalem kota, en Samgan Leng Kong boeroe maoe kloewar perang, boedaknja pegangin, tiada maoe kasi kongtjoenja pegi perang, en kongtjoe Leng Kong djorokkin boedaknja sampe djato, dia lantes kloewar perang, sampe die peperangan masing-masing tanja nama, en lantes dia
