Halaman:Lamijoe Wakong.pdf/109

Dari Wikisumber bahasa Indonesia, perpustakaan bebas
Loncat ke navigasi Loncat ke pencarian
Halaman ini tervalidasi

107

dateng die sinie djadie Hoet, en makan loe poenja soempa, Wakong kata: Soehoe! tetjoe poenja kakie bikin kaija njang soeda, nantie tetjoe die sinie djadie Hoet, en Dewa Toewa lantas baijar kakienja, samboeng pegimana kaija njang soeda tiada tandanja bekas die potong, en Wakong liat kakienja pegimana jang soeda, dia lantas larie kloewar; Dewa liat dia larie, lantas tertawa kata: loe maoe larie kemana? en batja en kata: kakie loe kemana? lantas Wakong djato die pintoe Goenoeng Lengsan, kakienja tjopot agie, en Wakong bawa kakienja masoek berkoewie die depan Dewa Toewa, Dewa Toewa kata: kenapa loe larie lagie? Wakong kata: sekarang tetjoe tiada branie larie lagie.

Dewa Toewa kata: sekarang loe tiada bole larie kemana, lantas Dewa Toewa baijar dia poenja mata njang die djidat tempel lantas belenket lagie die djidatnja, en Dewa Toewa kata: loe poenja ma soeda die oekoem berat die akerat, sekarang ma loe poenja atie soeda djadie bae, en loe soeda djadie Hoet die sinie, sekarang mistie soeroe loe poenja ma dateng die sinie bole djadie Posat, tiada bole kena die oekoem lagie, en loe poenja ma njang Siok Taijpo hwangwe poenja binie dia matie tiada patoet kena die makan sama siloeman, sekarang soeda die kasie dia tjoetsie ilie peroetnja Teng Siang Sie poenja binie sekarang oemoernja 7 taon toengoe die blakang arie dia soeda besar bole soeroe Dewa pegie bilangin adjak dia dateng die sinie bole goewa kasie dia djadie Posat djoega, abis bitjara Dewa Toewa lantas toelis soerat kasie sama Toehan, boeat minta'in die kasie Wakong pangkat nama Giok Hong Hoet, Toehan liat soeratnja Dewa Toewa die trima dari Dewa Toewa poenja permintahan, lantas die kasie Wakong pangkat Giok Hong Hoet ada lagie die kasie