98
djangan ingettan maoe makan orang, en lantas Goanswe pangil orangnja, pesen sekarang loe menjaroe djadie Sinse loe kepe itoe soerat njang die tempel loe kata: bisa obattin manja djangan bole inget maoe makan orang, en abis masakkin itoe obat loe lantas taro'in ini ratjoen biar dia makan lantas matie, goewa nantie kasie loe persen, Hongtouw Ong dengar soeka atie, en ini orangnja lantas pegie menjaroe djadie Sinse lantas kepe itoe soerat, orangnja Wakong njang djaga itoe soerat lantas adjak kasie ketemoe sama Wakong, en Wakong tanja sama Sinse: apa loe bisa obattin sama ma goewa djangan bole inget maoe makan orang, itoe Sinse kata: saija bisa obattin djangan soepaija dia tiada ingat maoe makan orang, en abis Wakong adjak itoe Sinse ketemoe sama manja, Wakong kata; ini Sinse bisa obattin ma djangan kepengen makan orang, manja liat ini Sinse, manja kenallin orang die Hongtouw, en lantas manja kata: ini boekannja Sinse! dia orang die Hongtouw djadie oepas toekang rangket orang, dia dateng belaga djadie Sinse dia maoe ratjoenin sama goewa biar mati, en Wakong dengar manja kata: lantas mara pegang ini orang maoe potong, ini orang kata, djangan potong sama saija, nanti saija oendjoekkin obat djangan ingat maoe makan orang, Wakong kata: lekas loe bilang obat apa, en goewa tiada potong sama loe, itoe orang kata: kaloe Tian Ong poenja ma tiada maoe makan orang, mistie tjarie boea Sianto kasi dia makan, en djadie dia tiada kepengen makan orang, Wakong kata: die mana ada boea Sianto? itoe orang kata: die langit Kim Gakkoan Ong Bo Nio-nio die kebonnja ada Sianto soeda matang, Wakong dengar lantas lepas itoe orang, Wakong masoek bilang sama binienja pesen toeloeng liat manja, goewa
