80
da, gardamoenggoe, mijran, sale, djeroek tipis dan asam, abis taroh itoe daging sama-sama aijernja: kaloe soedah, masak sampe kentel, taroh frekedel jang ketjil-ketjil, toetoep sama tepong, kaloe soedah toetoep sama tepong taroh di tampat pembakaran, dan bakar sanpe matang sekali.
Rollade.
Tjari satoe babi jang besar sekali, abis pottong dan tjoetji bresih, kaloe soedah bresih, belek sama dia, dan abis kasih kaloear dia poenja toelang-toelang; kaloe soedah, pottong-pottong itoe babi sapoeloh djari lebarnja, dan doea djengkal pandjangnja; abis taroh lada, ini kembang pala, tjengké, pala dan garam, samoea misti di toemboek dahoeloe, baroe amboe rin (siram) di atas itoe babi; kaloe soedah goeloeng-goeloeng, dan ikat kras sekali; kaloe soedah goeloeng-goeloeng, reboes sama garam, abis reboes baroe taroh di tjoeka Wollanda; itoe boemboe-boemboenja, misti siram salpeter.
Sodie.
Ambil satoe ajam dan pottong-pottong, abis reboes; kaloe soedah ambil katoembar, djinteu, lada, bawang poeti dan koenjit, abis giling haloes; kaloe soedah haloes, toemis sama mantega, taroh daon djeroek poeroet, bawang me-
