62
Ajam sama Kisjmis.
Ambil satoe ajam jang gemok, pottong-pottong dalam ampat bagian, abis masak sama kaldoe, abis ambil tepong trigoe, goreng sama mantega sampe garing, tjampoer sedikit kaldoe, anggor, dan pottongan djeroek, abis taroh di dalam satoe ajakan jang haloes sekali, kaloe soedah toeroen dari ajakan misti tjampoer djeroek asam jang soedah di kikis tjengké dan kajoe manis jang haloes, goela brapa soeka dan kismis jang besar dan ketjil, abis taroh itoe ajam di dalam itoe koeah, dan masak lagi sabentar.
Ajam jang di masak sama koeah djeroek.
Masak satoe ajam sama kaldoe sampe matang; abis ambil kaldoe, tarohin kembang pala, dan aijer djeroek, abis ambil dari anam telor dia poenja merah, tjampoer sama-sama, kaloe soedah abis bikin boleh siram itoe ajam sama ini koeah.
Ajam panggang.
Ambil satoe ajam jang besar, tetapi jang moeda, pottong dia poenja blakang dan dadanja, abis goreng dia sampe satengah matang sama mantega, peterselie jang soedah di iris- iris, bawang jang ketjil dan garam sama lada; abis panggang dia sampe matang, kaloe maoe makan boleh taroh ini koeah:
