48
soedah moelain djadi merah, taroh itoe daging dan reboes sama-sama dia poenja aijer, abis masak sampe matang.
Rarawon Daging.
Itoe daging pottong-pottong, reboes; boemboenja djinten, katoembar, lada, langkowas, koenjit, bawang poeti, bawang merah, kemiri, toemboek samoeanja biar haloes, ambil satoe kwali taroh minjak, goreng itoe boemboe-boemboe sampe koening, lantas taroh itoe daging sama-sama dia poenja aijer jang soedah di reboes, lantas taroh laboe, itoe laboe di pottong-pottong, kaloe hampir matang, ambil sapottong asam, taroh sedikit aijer dan garam, rames dan boewang ampasnja, taroh adoek-adoek, sampe matang angkat.
Petjal Ajam.
Tjari satoe ajam jang sedang, bikin bresih, dan abis panggang; kaloe soedah panggang, robek haloes-haloes, dan ambil bawang merah, bawang poeti, trasi, tjabe, kemiri dan ken tjoer; abis toemboek haloes, masak sama aijer santan, taroh seré, daon djeroek poeroet, dan masak kombali sampe mendidih aijernja; taroh itoe ajam, dan sama djeroek limo; kaloe trada djeroek limo boleh pake asam.
