36
poeti, langkowas, abis toemboek haloes, taroh goela sama klapa paroet, minjak klapa, garam dan adoek sama itoe daging, abis rames baik-baik, dan kasih melengket di boemboe, dan lantas panggang.
Bebotok daon Mungkoedoe..
Ambil daon mangkoedoe jang moeda, iris sama dia haloes-haloes, abis reboes dan taroh sedikit kapoer, kaloe ini soedah, angkat dan peras aijernja; abis tjoetji bresih, ambil dia poenja boemboe-boemboe; katoembar, djinten, lada njanjah, kemiri, bawang merah, trasi, klapa jang soedah di paroet, dan giling haloes, toemis sama dia dan taroh aijer santan; tjari ikan kakap asin dan tjampoer sama-sama, tjoetji bresih sekali, remdam sampe hilang dia poenja rasa asin, abis taroh ini ikan dalam aijer santan, dan taroh itoe daon mangkoedoe sama sekali; kaloe soedah kring angkat, dan boengkoes sama daon pisang, dan lagi misti taroh telor, daon djeroek poeroet, seré, kakap asin, dan di blakang kali baroe taroh aijer santan jang kentel, dan abis koekoes. Kaloe maoe taruh ikan ajam, tjabenja misti di belah-belah doeloe. Daon kool Banda djoega boleh di bikin bebotok, tetapi kaloe maoe reboes sama dia djangan pake kapoer, seperti reboes daon mangkoedoe.
