28
roh itoe aijer oedang, soedah mendidih taroh santan kentel, adoek-adoek angkat.
Lalawar Daging.
Ambil daging karbo atau sampi, tjoetji bresih, abis tjintjang biar haloes, ambil satoe kwali, taroh sedikit aijer, taroh daging reboes, boemboenja bawang merah, bawang poeti, seré, langkowas iris-iris, katoembar, djinten, lada, daon djeroek poeroet toemboek haloes, ambil satoe kwali, goreng itoe bawang sampe koening, taroh itoe boemboenja, lantas taroh aijer santan jang entjer, lantas taroh itoe daging jang di reboes, masak sampe ampir kring, taroh itoe santan kentel, adoek-adoek angkat.
Lalawar Ajam.
Ambil itoe ajam, pottong-pottong reboes satengah matang, boemboenja bawang merah, bawang poeti, seré, lengkowas di iris-iris, djinten, ketoembar, lada, daon djeroek poeroet, sama sekali toemboek haloes, taroh satoe kwali sama minjak goreng itoe boemboe-boemboe, taroh sapottong trasi, lantas taroh itoe ajam jang soedah di reboes, taroh lantas santan kentel sama garam adoek-adoek angkat.
Ikan Sesaté.
Ikan komboeng jang soedah bikin bresih baik--
