25
dah koening taroh itoe santan entjer lantas taroh itoe petee, kaloe soedah ampir matang taroh garam dan itoe santan kentel adoek-adoek angkat.
Lain roepa.
Itoe petee di pottong-pottong, boemboenja bawang merah, bawang poeti di iris-iris, kemiri, langkowas, di toemboek biar haloes, oedang kring di toemboek, taroh satoe kwali sama minjak klapa, goreng itoe bawang sampe koening sama-sama tjabe jang di iris, kaloe soedah koening taroh itoe boemboe jang soedah di toemboek, lantas taroh aijer sedikit, taroh lantas itoe oedang dan petee, kaloe soedah ampir matang, rames itoe asam sama aijer, ambil aijernja, taroh sapottong ketjil goela djawa dan garam, lantas taroh di mana itoe kwali, masak sampe matang.
Sambal Papare, Blimbing atau Oedang.
Ambil itoe papare, iris-iris, taroh garam, rames boeang aijernja, boemboenja bawang merah, bawang poeti, seré, tjabe, langkowas, iris haloes-haloes, kemirinja di toemboek haloes, ambil satoe kwali, taroh sedikit minjak klapa, goreng itoe boemboe-boemboe, kaloe moelain koening, taroh sapottong trasi, adoek baik-baik, lantas taroh santan entjer; lantas taroh papa-
6de druk
3
