15
haloes toemis, dan taroh aijer santan, daon djeroek poeroet sapottong, kaloe soedah, ambil itoe kapiting, dan tjoetji bresih sekali; kaloe soedah bresih, pottong-pottong itoe kapiting, satoe di dalem ampat bagian dan lantas masak, kaloe itoe kapiting kaliatan merah, tantoe soedah matang.
Lain Roepa.
Ambil itoe kapiting, tjoetji bresih sekali, kaloe soedah bresih pottong doea, ambil klapa paroet, taroh aijer, rames baik-baik sampe kentel, santannja taroh di mangkok, saring, itoe ampasnja taroh lagi satoe mangkok aijer, rames lagi, saring lagi lain mangkok, boeang ampasnja, boemboenja, djinten, katoembar, lada, koenjit, kemiri tiga atau doewa, itoe kemiri ketok, ambil isinja, itoe boemboe-boemboenja taroh samoeanja dalam kwali, diatas api, adoek-adoek sampe panas sekali, angkat, giling atau toemboek sampe aloes sekali, iris bawang poeti, bawang merah, taroh sedikit minjak klapa, goreng sampe koening, lantas taroh itoe boemboe jang soedah di giling, adoek-adoek, taroh santan entjer, lantas masokin itoe kapiting, kaloe soedah matang taroh santan kentel sama garam.
Kari Terrong Merah.
Pake klapa njanjah, koenjit, tjabe, lada,
