Halaman:Kokki Bitja 1864.pdf/221

Dari Wikisumber bahasa Indonesia, perpustakaan bebas
Halaman ini tervalidasi

208

kool sama tjabe sampe mendidih sekali angkat, mangganja di pottong-pottong, masak sama-sama.

Katimoen sama saus Tjoeka.

Koepas anam-blas katimoen, boeang bidjinja, taroh doea-poeloeh-ampat djam di aijer garam, bikin sausnja, masak doea bottol tjoeka, ampat lood bidji mostardi, tiga lood bawang poeti, satoe lood tjabe, satoe lood kaijoe anjang jang soedah pottong ketjil, kasih mendidih betoel, angkat itoe katimoen dari aijer garam, taroh di passo, siram sama itoe saus, abis taroh lagi di atasnja satoe sendok minjak selada, toetoep baik-baik.

Atjar tjampoer adoek.

Djae, bawang poeti, tjabe, samoea di pottong-pottong, djemoer barang satoe hari, taugé, katjang pandjang, kool, boentjis, reboeng, samoea di pottong-pottong haloes, abis ambil koenjit di bakar, lantas giling haloes, abis toemis sama mostardi, lantas toeang tjoeka kerdja mendidih, dan masokin itoe taugé dan laen-laen, mendidih sekali, lantas angkat.

Blanc Mangé.

Ambil satoe bottol soesoe, anam merah telor, goela singgan manis, sapottong vanilje; kaloe masak samoeanja adoek baik-baik dan ambil