193
kaloe soedah matang taroh miso blakang kali taroh sedikit aijer.
Ajam Tjitjo.
Ambil ajam moeda panggang baik-baik, oelek tjabe, trasi, garam, kemiri jang soedah di bakar, asam, goela djawa, taroh aijer santan jang kentel, masokin itoe ajam di dalam itoe boemboe-boemboe, abis panggang lagi, sampe matang angkat.
Ame Kemoete.
Dia poenja boemboe katoembar, djinten jang soedah di njanjah, koenjit, tjabe, bawang merah, ini samoea digiling haloes, abis di toemis taroh aijer asam, garam, goela aren sedikit dan godok sama santan kentel , abis masokin telor ajam atau bêbêk jang soedah di reboes.
Babi Ketjap.
Boemboenja bawang poeti biar banjak, sapottong djae giling haloes toemis, abis taroh itoe babi di pottong ketjil-ketjil, goreng sama itoe boemboe, lada, ketjap, miso atau tautjo, aijer djeroek tipis, masokin daon koetjai, taroh aijer masak sampe kentel.
Bêbêk O.
Ambil bêbêk pottong- pottong, boemboenja bawang poeti di iris-iris, djae, goreng sama mi-
6de druk
17
